دوس اولابیلمز
یوخسولوخ وختینده یامان گؤنؤنده
دوستونا یانمئیان دوس اولابیلمز
یانایانا دئسه اؤره ک سؤزونی
سؤزونی قانمئیان دوس اولابیلمز
دئیللر دوس دوستون الیندن توتار
یاخجیسین یامانین چینئیب اوتار
ال-یالانچی دوسلارین دوسلوغون قوتار
اؤره کدن یانمئیان دوس اولابیلمز
دوس گرک دوستیلا دؤز گئدیب گئله
دوستونون دؤشمنین دؤشمنی بیله
آغلایان وختینده گؤزلرین سیله
دوستونو سانمئیان دوس اولابیلمز
دوس گرک آرخادا عدالت بیله
یاخجیلیق ائیلییه هیمایت بیله
هرزه دانیشمییا خیجالت بیله
دوسدان اوتانمئیان دوس اولا بیلمز
دوس گرکده دئیر وئرر حورمته
دوستونوسالمییا عذاب ذیللته
دوستونوساتمییا پولا شهرته
جاهیل اویانمئیان دوس اولابیلمز
دوس گرک هر ایشده اللهین گؤره
عملین سانییا کندیدن هؤره
عدالت تانییا حقیقت سؤره
دینه اینانمئیان دوس اولابیلمز
اوستاد تابیلماز
اوخوسون دردیمی
سؤزلر ناخیشلانیب قارلی داغلارا
اوخوسون دردیمی گئلیب گئدنلر
شرحینی زیروده حک ائیلدیم من
مجنون تک آختارسین چولده ایتنلر
کؤنول یاسا دولوب غم یاتاغیندا
او قیزیل گوللرین شان یاناغیندا
یازمیشام شرحینی شئعر سایاغیندا
اوخوسون دردیمی گئلیب گئدنلر
منده بیر زایرم حرم دیللییر
سینمی غم توتوب وئره م دیللییر
سازگؤتوسون هاوا کرم دیللییر
اوخوسون دردیمی گئلیب گئدنلر
غملر منه یانسین سو اولسون آخسین
منده بیر شاعیرم ائل منه باخسین
شئعریمی گؤسترسیین یاندرسین یاخسین
اوخوسون دردیمی گئلیب گئدنلر
داغلارا دئییردیم دوز منیم اولسون
آغلیا آغلیا گؤز منیم اولسون
محفیللرین صبیری دؤز منیم اولسون
اوخوسون دردیمی گئلیب گئدنلر
قلم گؤزه گئلیب بیر گؤز توشنده
بانارقی کؤنلومه بیر کؤز توشنده
یازیق تاپیلمازدان بیر سؤز توشنده
اوخوسون دردیمی گئلیب گئدنلر
منه یارامادی قوهوم قارداشیم
غصدن یازیلدی قره باش داشیم
مزارین اوستونه یؤکسندی داشیم
اوخوسون دردیمی گئلیب گئدنلر
اوستاد تاپیلماز
درباره این سایت